دمعت عينها و ڨالت العار
باعني الغالي بارخس السوم
ذرفت بعد ذرف كشفت اسرار
شافت اخبار في وقت المشوم
صبرت و كتمت حملت النار
امس اولامس البارح و اليوم
ڨعدت واڨفة وڨفة كبار
ماهي موالفة تحارب لخصوم
خان الڨريب و البعيد و الجار
خرجو شرادة هامو القوم 🇵🇸
دارو عليها و لعبو أدوار
خسارة فيهم العتاب و اللوم
خسارة المسك في ثومي الحار
لو كان عاري من دم اللحوم ؟
نڨطعو و نبيعو نفدي الثار
ڨعد عار ي في العار يدوم
لا طال الوقت و لا إڨصار
مخيب عيشة الذليل المشوم
ذل المهانة عاشو في دار
محمد رحال ✍️
