الشاعر محمد البنا والشاعرة شادية محمد في سجال ثنائي رائع تعريف باللهجةالصعيدية المصرية

اللجنة الثقافية
____________
تعريف باللهجة الصعيدية المصرية
( لغة أهلنا في صعيد مصر )
**********************
في مثل هذا اليوم منذ خمس سنوات
******
سجال ثنائي راااائع
للشاعرة المتألقة شادية محمد Shadia A. Mohamed .
والشاعر محمد البنا
” غزالة ”
…………….
غزالة
…….
عيونك نار يا جنّية
تجولشي غزالة تتدلل
وسحرالي..
رمت رمشين على عنيا
وسهم العشج بيه…صابني
حاولت أحوشهُ بإديّا
لاكين…………………صابني
جتلني بشوج وحنّية
وبعد دجيجة جام…سابني
ف جلت أبعد..يا دوووب ثانية
لجيت شوجي جوام….جابني……………….محمد البنا
💢💢💜💢💢
غزالة وشاردة من داري
لجيت جلبك جدر مكتوب
لا جادرة أفوته من بالي
ولا جادرة في عشجي أتوب
لجيتك دنيا صافيالي
فجولت في بالي ده المكتوب
لكيني يا بوي ما جدراشي
علي التوهة وجلبي يدوب
اني لساني بأتعلم
في بحر العشج لسه يَدوب
هويتني والهوى صابك
بنفس السهم جام صابني
واذا عشجي في يوم جابك
انا عشجك كمان جابني
ده وعد يا بوي و متجدر
على جلبي و انا راضية
رميت سهمك على جلبي
وكانت هى دي القاضية……………………شادية محمد
💢💢😍💢💢
وآآآه م العشج يا غالية
رمانا بسهمه ما سمّى
بجيتي لجمة ف لسانهم
بجيت تايه عن اللمة
وبجضي الليل ف ريح دارك
لابد كما حيّة ف الضلمة
تجيدي فتيل ف جنديلك
تفُط عيوني..رايحالك
وآني ف الخوصة بأتغمّى
ده يرضيكي يا سحرالي
بخاف من بوكي يجنصني
يدعمسني
ويتفاخر
ف وسط نهار غسل عاره
واآني العاشج..هدر دمه
وإيه بيدي وأنا العاشج
عِشج جلبي جميلة الروح
وكان مكتوب لجدري أروح
ولا حول ولا جوّة
ولا دوّجني يوم فمّه………………………..محمد البنا
💢💢💜💢💢
بأشوفك صوح واني واجفة
و بأداري
بتجدي الليل جصاد داري
بأطُل عليك وفي العتمة
و خايفة ابوي لا يقتلني
يخلص نفسه من عاري
ما أصل العشج عندينا
ده أكبر عار
تجيبه البت لأهليها
اذاعشجت لحد الدار
لكني ما جادرة اتحكم
في جلب العشج جواته
جايد ك النار
طب أعمل إيه
وجَدري أكون من العشاج
يجضوا العمر بيدوروا
ما بين لحظة لجا و فراج
ابوي بيجولي
إن البت لو عشجت
دواها الموت
وانا عاشجة ومش جادرة
أطلع صوت
باجولك ايه
خلاص ماتسيبني وتفارج
ويمكن يوم هنتلاجى
يا إما في دنيا تجمعنا
يا إما يكون جامعنا الموت………………….شادية محمد
💢💢😍💢💢
جرالك إيه يا مرجوفة
يغور العشج لو داسه
خجل أو خوف
ما جندلني واكل ناسه
وداب راسي ف جلب الطين
كنّي عميت ما جادر أشوف
وآخرتها تبيعيني يا بنت الناس
أنا اللي جضيت سنين عمري
حواليكي بروحي باطوف
بلاها العشج من ساسه
ولو فكر يجيم راسه
هجز الخوف
وهاطفي بيدي نبراسه
بلاها كسوف
تبيعيني ؟!
أني اللي انداس عشان خاطرك
وهمّل في هواكي ولاد
وهمّل لجمته والزاد
بجولك إيه
بلاها العشق وسنينه
هافوتلك ولعنيكي بلاد
لا رايد حب من خاشمك
انا وجلبي خلاص توبنا..ما عايزينه
سكينة أرحم
مانيش عوّاد أفوت أرضي
لجا دجات بتدبح جلب
وآخرتها تيجي تدينه……………………..محمد البنا
💢💢💜💢💢