كاملة زينة لمعاني
واجبة في حق الحب
كافلة و تذم الداني
باهية في النسوة تحب
باهية زينة محلاها
حاضية شكون واتاها ؟؟
ناجحة هي في نساها
ناشطة ڨداش تحب
عالمة الخافي في وراها
دارية من غير سبب
دارية من غير دراية
و عارفة قواعد الغاية
خادمة ڨداش مزايا
صاينة من شرف نسب
طامحة فبي كل هوايا
شابة في طموح تشب
شابة محلاها في زين
حاجبة زين نساوين
هازة سوم ملايين
كافلة تمد و تطلب
عاشقة عادات احرين
لابسة جهد لا تدّب
لابسة حولي و سفساف
كاملة زينة لوصاف
سايجة برديف تشاف
راشة روايح تهب
خارجة خلتني نعاف
حالفة بعدي لا تحب
حالفة بعدي لا تهوۑ
فارحة من غيري تهوۑ
عاشقة تحب بلا نزوۑ
راجحة و العقل غلب
عايشة قصة في نزوۑ
حابة قداش تحب
حابة ڨالتلي نحبك
شاهية نعيش بقربك
عاتبة لا نجيها نشبك
ناطرة نجيها نخطب
عارفة ٲصلك و نسبك
واعية لي يجيها يحب
حابة في العشرة حبّت
ناكرة نكرت كي كتمت
جاية في ڨدايا شبّت
هازة خيري من الحب
حاشمة فاقو و تفضحت
طامعة ترجع ب سبب
باينة لا تحب بغيض
كاتمة غضب الغيض
جايضة نفوس التحريض
كارهة خباثة العرب
داهية. تجب التلفيض
شافية تحفظ تطرب
شافية شفت علي لاحباب
حافزة علي شكون من غاب ؟
كاشفة و للبست جلباب
بايعة الدين علي كذب
كاذبة و حبت قلاب
حاملة عايشة في شغب
هاملة و االهملة فيها
غاضبة شكون يرضّيها ؟.
لايمة حبيب ن يحضيها
غافلة دعاويها تصب
ظالمة و ڨالو اخطيها
جافية عشرة لمحب
جافية ڨداش تفلّط
حاكمة تظبط تتشرط
هابلة علي من يتسنط
حاطة وين ماشي تشب ؟
سارجة سوامير تمحمط
لاهبة جاشي بلا حطب
تاعبة ڨداش مظغوطة
واڨفة واحلة مربوطة
حاكمة عيلة مفروطة
عايشة عيشة شغب
طالبة تجيها المبسوطة
هانية تهنيها تحب
واجبة في حق الضيف
حابة في الجود تضيف
واعدة هي بنت الريف
غالية من ٲصل نسب
سايجة علي خط رديف
شايلة خلخال ذهب
هايمة نحب نسترها
شاتية نكون في محظرها
راجية نجيها نخبرها
كاتبة المكتوب كتب
طالبة ديما نذكرها
واصلة مع كل محب
جاتني جابت البرية
ماشية معايا بالنية
باهية و تحن عليا
ساكتة وين نمشي تشب
فاعلة من غير مزية
شايف منها العجب
عاشقة عاشقها نايا
هابلة ماتت في هوايا
حاكي معاها لحكاية
قاصة و نايا نكتب
عاشرة عشرتنا رواية
لأزم يخّلدها #الحب
محمد رحال ✍️
