#أرجوزة : ڨمري لسوار
القصيدة رقم 9,
حرف : ر
يا ڨمري لسوار دير ليها زيارة
تحكيلي على أوطان بلادي و الدشرة
توصفلي لحوال أفكاري حيارة
لأقصى فلسطين قطفوها الزهرة
بعد عامها طال صبحت مضرارة
بلادها باقية جمرة منصهرة
تشوف كان دمار و هجرة و قفارة
جملو العديان حطوها في النشرة
قسموها ، قصفوها غارة ورا غارة
غزة و جنين و الضفة منشطرة
ينادو علي التهجير و عرب محتارة
يحبو التعمير واش يجرى يجرى
نصبو في قمم ملوك و الإيمارة
يتعالو بالصوت يزيدو في النبرة
حضرو في بلدان و الأخرى تتوارى
خاييفة لا تقول تغلط في الهدرة
يا سامع بالله زيد لينا دبارة
كان تفهم لغة إشارة و الفقرة
كي تشوف ليهود عجم و نضارة
يذودو علي الاقصى تلمو الكفرة
شعوب حشود و ملايين جهارة
نحنا قلٍتنا كيفها كي الكثرة
كبار و صغار
يا ڨمري لسوار ***** إدي لخبار
لكحلة أنظار ***** عاشقها لحبيب
محمد رحال 
