هوامش من زمن المنفى ديوان جديد للشاعر عصام سامي صدر

ديوان الشاعر عصام سامي

صدر للشاعر عصام سامي ناجي ديوان بعنوان هوامش من زمن المنفى، وهو بالعامية والمصرية
، وصادر عن دار الجندي للنشر والتوزيع بالقاهرة ويذكر أن الشاعر
عضو اتحاد كتاب مصر ، وله عدة إصدارات اخرى وأيضا له حصور طاغى في الصحافة المصرية والعربيةوالدولية ومن قصائد الديوان

بتبتدى رحلة شقى

الطوفان قدام عيونا
للأسف عمال بينذر بالهلاك
والجميع أدمن خلاص الارتباك
حتى اللى ساندك
واللي كان واقف معاك
عمره ما كان م الأولياء
ماطلعشي عنوان التعفف وارتقي
طلع الشيطان ماسك
في إيده المشنقة
أكاذيب كتير متصدقة
حتى الحقيقة تاه صداها
في العقول الضيقة
مستني إية ……..
تنشر قصايدك ع الورق
كل الورق مليان
خديعة وذندقة
***
ضحكوا عليك
بكلام عديم المنفعة
في بلاد أكيد مترقعة
قالوا القلوب من
بعدك أنت تعبانين
ف أوجاع كتير
في ليل حزين
مد إيدك
لملم قلوب متفرقة
***
صدقتهم والقلب كان
طيب برئ
سجلت أحزان قصتك
وفتحت للأوجاع طريق
سمتها قصه للميلاد
لبستها توب الحداد
فاستسلمت قدام رموز التريقة
***
كل اللي باقي في الحكاية
دقيقة واحدة فاعترض
صوتك مرض ….
من قبل مايقول أي
حرف في كلمته
والألم لساه بكامل صحته
بينك وبينه بتبتدي
رحلة شقى !
عصام سامي ناجي
