(قلق ….)
الكون بحاله للأسف قلقان
وأنا قلبي قشه ف
بحر م الأحزان
أوقات بقاوم كده
وأصمد في وش العدا
وأوقات كتير بتخان
****
هتقول لي إيه بالظبط
كل الكلام إتقال
وأرواح كتير محنيه
م التوهه والأحمال
بتسيبي نفسك ليه..؟
لمعتدي دجال
قاعده بتبكي لوحدك
ماتوصلي الأرسال
****
ياحبيبتي مش أعداء
ولا عمرنا هنكون
الحلم الأخير إتصفى
والقلب البرئ مسجون
ولو حد قرر يغدر
أنا قلبي مش هيخون
عصام سامي ناجي
Discussion about this post