عصام سامي ناجي يكتب: عنه التاريخ هيقول

عنه التاريخ هيقول

وعنه التاريخ هيقول
عمره ما كان مجهول
ماباعش وساب …لكنه إتباع
زهق من دنيا مليانه
ألم وخداع
نزف شعره وغني كتير
حاول إنه يعيش بضمير
ويتفلسف علي الأوجاع
****
ووجهة نظره إن
الدنيا متسابه
وبعض المشاعر للاسف كدابه
والصدق ولى وغاب
فتح ياما لبكره الباب
لكنه ماجاش
وأحلامه لفيفها بشاش
ووطنه في غرفة الإنعاش
****
رفع إيده كتير لله
عشان تبقي حياتنا حياه
ويرجع قلبه من منفاه
وما يباتشي ف ألم مكسور
يلاقي في المتاهه النور
عصام سامي ناجي