**صدمة كبيرة**
نجاة مبارك
ومين يقدر يشيل الحزن
من قلبى
ومين يقدر يقول للقلب
يوم خبى
ومين يقدر يقول لروحى
عاهدينى
ودارى ملامحى جواكى
من المسطور على جبيينى
وبعد سنين يقول لى
بس راودينى
وقولى
ع المرار كله
و الاختيار
ماهو النهار غير النهار
مليان غبار
صدمة كبيرة
بتقولى ايه مش سامعة
اطوى صفحة الأيام
وعيدى طباعة الصورة
وكفاية
تدارى الحزن والاشواق
وتعطريه ببسمة الرياحين
وتقولى انا … هوا انا
ياضى العين
ما تسأليش عن مشوارى
و مالوا حزين
وليه بقالوا سنين منقوش
علىّ
فى نبض القلب
و الشرايين
ومتقوليش حاولت كتييير
يوم انسى
ودور تانى
على يوم كله حنين
اتارى الدنيا غدارة
بعد ما كان الهنا موجود
زى الورد ونبض القلب
اهو عدّى وراح
جوا براح الروح
صبح لحظة بلحظة يتعرف
ويقول اياكى فى يوم تنسينى
دنا اللى ساكن بقالى زمان
كانون ناره
أسى واحزان
وعدى عليه من الايام
لا قادرة تِطَفي
ولا قادرة تقول
داكان ياما كان
Discussion about this post