بتديل منا ألحانا
ما فيش أحلام بتتوزع
ولو حلمين كده فكة
أزوق بيهم أيامى
وأزيل أوجاع على
قلبي بتتكى
ضماير كلها فلصو
ملامح وشها سكة
***
بتدبل منا ألحانا
وبكرة للأسف خانا
بندى لحلمنا رنة
ونطلب منه يستنى
ما يستناش……
زهور القلب مقطوفة
ومتباعه للجبان ببلاش
***
أنا وأنت وحلم قديم
مالهوشى أساس
وفى الخلفية صوت اليأس
و إيده بتقفل الترباس
عشان تقتل أمانينا
وتخنق نبض
القلب والإحساس
***
أنا وأنت و عالم
مش معترف بينا
بنزورع بذور الحب
وبنجني الضغينة
قافلة شوارعها
قدام عيونا المدينة
***
أنا وأنت وأحلام ياما
لكن منسية
ودنيا بتكره الحرية
ملامح وشنا جامدة
وحتى قلوبنا
مش هي
***
عصام سامي ناجي
