انعكاسك مش حقيقي بقلم الكاتب محمد البنا مصر

انعكاسك مش حقيقي
…………..
الشخص الواقف قدامك ف مراية حيط
مش شرط تملي تشوفه أنت
وتفكر دايمًا إن أنت..
ف إيديك الخيط
لو تضحك ..
دوغري هيضحكلك
صدقني الصورة اللي شايفها
مش من مارونيت
ولا دايمًا تعكس أحساسك
وف مرة الشخص اللي قبالك
هيبوسك يوم
او يوم داسك
ليه تبقى عبيط؟!
وتسلم للصورة زمامك
أكسرها ومدد أحلامك
ليه تكشف نفسك قدامك
أيامك..
لو بالأوهام راح تحسبها
هتكر الخيط.
………………….
محمد البنا ١٨ فبراير ٢٠٢٢