ارجوزة مكحول أنظارو بقلم محمد رحال

#ارجوزة_مكحول_أنظارو

القصيدة رقم 14

حرف : ال نون

بادي نظم معاني مڨاني بيه لساني
من كون ربي عطاني جاني متقون

علي من حبو بلاني خلّاني معاه نعاني
كي بعد هو نساني راني عليه نهون

ساهر بنوم اجفاني هاني معاه و هاني
دمعي بل اعياني جاني و ڨالي تهون

جرالي كيف الطّاني يعاني في حثر اصحاني
من صبحة للمسياني في اصحاني يكون

طيف خيالو جاني ڨاداني في مكاني
تلفت حتا معاني عاداني الملعون

عايش ماني هاني راني يا خيواني
وقت زماني فاني من عاشو ممحون

جفاني حبيب نساني غواني زينو سباني
شكر وزاد هجاني باني عليه ظنون

بحري فاض ملاني عطاني ربي هداني
كي نتنوا اخطاني طم امحاني تكون

طلقت غثيث القاني شذاني مسكو غواني
حجاج قوس رماني ڨضاني بطرف سنون

شفتو بلمح اعياني عيّاني في بستاني
خدودو رمّاني غواني كي لحسون

بعدني هو جفاني نواني و بعد نساني
هاني عليه نعاني راني كي المجنون

فراقو زاد كواني عياّاني فراق الجاّني
هجرني ما وصّاني لا هناني يصون

مرايف علي زاد سواني لاني نوكل هاني
فرّج يا سبحاني با-ني الكاف و النون

علاش دارها بلعاني خلّاني في احزاني
ما نفع فيه احساني عاداني المفتون

حب الصبايا رزاني طبع الداّني كباني
و ظهرلي اناني و الاناني يخـــ ون يفشي اسرارو

مكحول انظارو هبلني مكحول انظارو
نراجي في اخبارو ليعني بسوانر ناررو

محمد رحال