حفيدتى اتقلد فيا فى كل شىء واتحب تمسد ركايبها كيفى واتحب اقطر دواء فى عيناها كيفى وتدعثر كيفى فى المشى واتهز البيكى متاعى وتمشى بها وتبدا تتالم اى اتكت وتتاوه ههه.. خلى عاد هاك التلفون ا مبهذلتنى عليه وتدخل للمسنجر وتبدا تطلب على بعضو ؤاتجينى تجرى واتقلى اميمة هاى طاطا وانا انولى انكلمهم ونعتذر ونحكى فى قصةحياتى…والحمد الله تطلبلى اعز صديقات قدم وعندهم مدة ما اتصلناش ببغضنا وهناءانقدم لاهم احر تحياتى .. فى هذه احسنت الصنيع وخلى عاد كيف نبدا ا نصلى اتحط مخدة واتصلى كيفى اتبعنى اما مشكلتها مع اصبع التشهد انا نبدا انشهد وهى اتنقز واتحب اتشد الصبع وما اتنجمش اتزيد اتعاند وتستعمل يداها الاخرى وساعات تفشل وساعات انا يغلبنى الضحك ونبعد على التركيز وانولى انبطل وانعاود انصلى من جديد وليت قررت باش انسكر اعلاها باب البيت بالمفتاح اثناء صلواتى وربى يقيتقبل منا ومنكم ….انا ساعات نتغشش منها وانقول كيما قالت يمى الله يرحمها ….برنا وخرنا وعاد الدجاج ينقر فينا ..وساعات تقتلنى بالضحك ا والله ديمة نتعارك انا واياها ونتصوحبو. معزتها كبيرة عندى وحكايات كبيرة بيناتنا وعنا اسرار مع بعضنا …هذا الكل عادى ….. اما ماكنتش نتصور باش اتهبطلى معنوياتى فى العبادة .. كيف يسالوها …اى امها وابوها … كيفاش اتسبح اميمة ؟.اتشد السبحة فى يداها وترقد كيفى …معناها الى افهمتو نا ما انسبحش و ديمة راقدة.. ربى يحفظها ويعطيها الوقت الطيب ووفقها فى حياتها وان شاء الله من الذرية الصالحة
Discussion about this post