ما تدوريش عامية مصرية
رأفت عبد العال
ما تدوريش ع الحلم ف إيديا
ومتحسبيش إن الدموع غية
بحرك حبيبتي غريق
والعوم مش ليا
الحلم أصله عنيد
أوجاعي مخفيه راحت اماني
كتير العمر ضاع مشاوير
مات الحنين فيا
عملت قلبي معبدك ….
صليت فروضي الخمسه فيه
أعلنت إني بعشقك
أنا كنت راهب بتبعك
قفلتي ليه كل البيبان
مع إني لسه بسمعك
صحيتي ليه كل الجراح
وأنا اللي مولود بعشقك
يا قلبي موهوب للحنين
تايه وتايهة خطوتك
ياقصة دوبها الأنين
دا هوانا ملقاش جسر
يعبر للهوى
ويا الأنين الآه بتطرح
الف آه متعزبة متغربة
ياحلم يصرخ جوه شق النور
امتى تلاقي خلاص توصل
لبر النور وتشق الف بحور
وتلاقى سكتك…..
Discussion about this post