هالبيت يلي ودّع صحابو
عالغيم مشيو وبالسما وغابو
يبسو زهور الحوض والشباك
مجروح صوت الريح عبوابو
بالسر يبكي دموع مكبوته
ويندب جذع بقيان من توته
وخيطان كانت تغمر الياسمين
مشنوقه عا الحيطان بجنابو
بالليل يحكي جبل بقبالو
وبيسألو هالطفل شو حوالو
البيت متل الجد بيحب الزغار
ونطراتهن بيُّن على عتابو
وبطلعة الشمس لم يوعى
بتدفي حجارو بجمرة اللوعة
ما بينطر الشمس تا تحمى
نهدات قلبو نار بترابو
بيدعي يشوفن من بعد نطرة
يضوو قناديل ل لابسي غبرة
وتتنفس الشرفات قهوتهن
ويزيدو لنّو سطر بكتابو …
سميرة فاصل غانم
صباح النور
Discussion about this post