نوريني |خليفة الشبلي
شاعر/ سلطنة عمان
في عيونك أسمى آيات الجمـال
وبكلامك أعذب حروف القصيـد
انتي ماي ٍ عذب اصفى من الزلال
انتي نـور الشمس والحسن الفريـد
تبهـريـن بكـل حسنـك والـدلال
كل ما ابدي وصف ارجع وأعيـد
كـاملـه بـزينـك وللــه الـكـمــال
و الوصايف فيك عيـد ٍ بعـد عيـد
لـو كتبتـك شعـر بـأروع مـا يقـال
سابقـه إحسـاس قلبـي وما يـريـد
يـرسمـك عـالـم أبـد مـالـه مـثـال
وبالاماني فكـري يبحـربـك بعيـد
جاوبيني بـجـد ع هذا السـؤال
ولا تخلين العجب فيني يزيـد
انتي واقع صـح أو انتي خيـال
نوريني يـاعسى عمـرك مـديـد
