رياح الشوق |خليفة الشبلي

شاعر / سلطنة عمان

تميلني ريـاح الشـوق والمرسى اشوفـه بعيــد
وانـا مـن لـجـه للـجـه تـبـاعـدبـي مـسـافـاتــي

عجز مركب غرامي يسير والوجهه بلا تحديد
واحـاول اجمـع شـتـاتـي وايـمـمـلـه مساراتـي

انا اللي بمركبي مـبحـر وتعصفبي نسايم غيد
خـذتنـي بـمـوجـها الـهـادر ونستني اتجاهاتـي

وانا اللي تايـه وهايـم وكني في جبـال وبيـد
بعـد مـا كـنـت ربـان  المحيـط وسيـد لـذاتـي

بحرت بذكريات وحلـم واثر المعطيات تزيـد
تـروج للأمـل قـصـه وتـزرعـهـا بـطـمـوحـاتـي

بعلي شراعي واجدف بعزم وحيل كان يفيد
عسى أرسىي على بر العشق وانسى معاناتي

وانـا مـا صرت المخير  وبين اريد أو ما اريد
رياح الشوق سـارت بي ولاني بعـارف الآتـي