دموع إنسان بقلم الأديب محمد البنا مصر

دموع إنسان
——-

انام وأصحى ف نن عنيكي واتسحّب
على الطراطيف
عشان الشوق ما يقلقكيش
واسرسب همس دقاتي
ف قلب وريد لكين بشويش
واداري عليكي أنّاتي
عشان الفرحة ما تفوتكيش
واغلّف كل آهاتي ورق سيلوفان
عشان ما تبان قصاد عينك ف توب وردة
ف متحسّيش..
بأني العاشق الولهان
وأني كمان بادوب كما طيف..ضعيف جدًا
غزا قلبك ف ساعة صيف
ولسه ع الشتا بدري
وشارك الروح ف انفاسها
وونّسها..
ولبّسها..تيجان عاشقة
وملّكها حروف سبعة وسبع اراضين
ولسه ع الشتا بدري
فنامي الليلة مرتاحة
وقابلي بكره بالراحة وبالاحضان
يا شجرة حب طرّاحة مع ورودها.. دموع انسان
* محمد البنا * ٢٠١٩