تكلم تكلم كل القصايد بقلم محمد رحال
تكلم تكلم كلام القصايد
عندي شهايد
من كون ربي فايض بزايد
ساعات زاهي بين العمايد
ندير الودايد
ساعات باعد كل الوعـــايد
ساعات صابر على الحال رايد
ساعات حايد
الجرح ما تفيد فيه الضمايد
تفكرت صغري بين الحصايد
نفوت الحدايد
ڨداش نفوتها سهوب حمايد
يخرج الخير منها طرايد
اهل الجوايد
امالى الكرم و ناس الوكايد
لا من قعد نايل الفايد
الحال بايد
حفظنا الميم و ترك العوايد
لا من تلقاه وقت الشدايد
كان المحايد
العين نفرت نوم الوسايد
ڨتلها السهر
عايشة نكايد
امس و يومها فاتت شهر
تكلم تكلم و جيب الخبر
عوم البحر
اسمع كلام هدف و حضر
محمد رحال ✍️
