متحدي
الشاعر خليفة الشبلي ـ سلطنة عمان
يالجمـال اللـي حـلا بعينـي
جيتنـي والوقـت متحـدي
بيـن شـوك وورد ترمينـي
مدخل الله حاسـب وهـدي
قبــل لا سهـمــك يـوافينـي
وانجبـربـك اسـتـلــم ردي
ع المحبــه مـابـعـد فينـي
عـنـفـوان يجيـب ويـودي
لي غرامي وعايش سنيني
ولاغلب جزري على مـدي
من فضل ربـي ومغنينـي
وبالهنا ماسك على ســدي
و يالـجمـال ولــو تنـادينـي
لا اتـفـاجـأ مـول من صــدي
أفـهـمـك والـشـور بيدينـي
لو تـقـول الـحــال متــردي
بكـبــح النفــس بموازينـي
واعتبـرهــا ازمــه وتـعـدي
حـط حاجـز بينـك وبينـي
ولا تجيني بطيش متعـدي
ولـو على نفسـك تبدينـي
عـذب ودك فيـه ما ودي
والعشـق مـا عـاد يعنينـي
لي قنـاعـه وما انتـه بنـدي
شوف غيري اليوم واعفيني
من غرامـك واقلبـه ضـدي
وواصــل بدربـك وخلينـي
وياهواجيسـي العـزم شـدي
