ونلمح كل شىء متباع
شطوط الحلم مش باينة
ملامح بكرة أكيد خاينة
وأنا وأنت بنتحدا هبوب الريح
بقلب أخضر كده وجريح
بننده صبح مش ظاهر
ونتمنى يكون طاهر
ولا يخوناش……
يحط إيده في إيد أوباش
يخلى الخلق تتلون
ويقتل بسمة بتهون
لما تفترى الأوجاع
ونلمح كل شيء متباع
ويتبدل الوفا بخداع
****
شطوط الحلم ملغية
وحتى البر مش متشاف
والقلب أبيض قوى
لكن حزين بيخاف
كل الطرق خرسه
و بطل لسانا هتاف
سنابل قمحنا ماتت
وسنينا اللي جايه عجاف
*****
بنغطس في بحر الأسى
ونبيع تاريخ إتنسى
وبنعبد الدجال
ماشين في سكة شمال
عصام سامي ناجي
Discussion about this post