ياقمر |خليفة الشبلي

شاعر / سلطنة عمان

يــاقـمـر مـا بيننـا أكـبــر صـلــه
وأنت أجمل شي في هذي الحياه
نـورك الـوضـاح من يتجـاهلـه
يـا مصيـر ٍ لـي يـحــدد الإتجـاه

عـالمـي بدونك ملي بالاسئلـه
والاجـابـه عندك وخيـط النجـاه
يالغرام العـذب أصلـه ومنهلـه
يالجمال الصافـي بـذوق وحـلاه

من جبينـك يـأخـذ الليـل أولـه
والفجر شعشع من خدودك ضياه
عـلمـيـنـي يـاحكـايـات الــولـــه
لي متـى اوصل بصبري منتهـاه

المشاعر لك في صدري مجمله
كنهـا ورد ٍ وينفـح مـن شـذاه
ارسمـك حلم ٍ بـواقـع يشملـه
كـل عشـق ٍ واصـل لأخـر مــداه

حتى شوقي شوق صحرا قاحله
للمطـر والغيـم لي مـاحـد قصـاه
يكفـي نحيـا فـي زوايا مقفلـه
و المسافـه بيننـا فـرة حصـاه

ياقمر طلتك عنـدي مذهـلـه
وانت لي احساس يتبعني صداه
وسطـري اللـي ما ابيله فـاصلـه
والعمـر كلـه وانـا كلـي فـداه

خليفة الشبلي