آخر الأخبار
بنغازي تحتضن فعاليات “ليالي التراث نسخته الثانية ضمن فعاليات كرنفال التراثيأهالي محلة فينيسيا 2 ببنغازي يوجهون رسالة شكر وتقدير للفريق أول صدام خليفة حفترالروائي الأمين السعيدي أبرز مرشح لرئاسة اتحاد الكتاب التونسيينالرياضة وصناعة صورة الدولةالوظيفة العامة ليست غنيمة”  الازدواج الوظيفي بين استغلال المركز الوظيفي وإهدار المال العام .الهيئة الاستشارية العليا لمركز العرب للأبحاث والدراسات تختار الشويهدى عضوا بالهيئة الاستشارية العليا للمركززيارة وفاء للاطمئنان على صحة الشاعر والصحفي عوض الشاعرياميرة كاظم (أميرة الذهب)بطلة العاب القوى العراقية وسجل رياضي استثنائي هيمنت به على منصات التتويج لمدة عشرين عاماوجه الحقيقة |الأمن المائي |شراكة ام فرصة ضائعةكوني القصيدةالإعلامية رباب تشيبت في ضيافة الدكتورة رباب خاطر بمركز ميونخ الطبي في مدينة العينغياب النورقراءة نقدية لقصيدة (بين يأس ونصر)للشاعر الجزائري فضيل حاج بن عدة |الناقدة جليلة المازنيبحث في المسرح البصري الجديد |مسرح الشرق (نيبوريا)الرياضة والقلق والتوتر

ارجوزة قلب شاعر القصيدة رقم 16للشاعر محمد رحال

#ارجوزة: #ڨلب_شاعر

القصيدة رقم 16

حرف : ك

يا ڨلب واش دواك ؟
تحٍب لي حاڨرك ما يسقسي عليك

تنساه و ينساك
يجفاك في وقت الخايبة يخٌلّيك

ما تڨول راني معاك
وقت الشدٌة عند اللزوم نوصّيك

نعرف ضر بلاك
شربت من لب العقول نداويك

لصحاب اليوم حذاك
كنتي في عزوة تاج نصبوه ليك

غدوا يزيد بلاك
الخايبة في الشماتة يفرح بيك

الناس كيف افلاك
سراب خالي تقول غيم مغطٌيك

فيها الذهب أسباك
مكثر عبادها و أصلها ترافيك

تفرح وقت عزاك
نهار وقت الفرح يتمنى تمحٌيك

لا حاك فيك غدّاك
ناسي عشاك ناكر ملح يبيع فيك

جضٌيت من لدراك
حسٌيت روحي براغي في تفكيك

يرحم من ربّاك
ربتنا الدنيا و من غيرها تجاريك ؟؟؟

تڨول معانا أملاك
تمركي الحسنة و السيّة تنادٌيك

شيطانها لي غواك
النفس مع لبس إبليسها يغويك

الدنيا فيها إدراك
مراحل العمر يجري فيها عليك

فصّولها تنساك
جاهل معادك الغيب ينسج ليك

صيفك و شتاك
خريف العمر 🍂🍁ربيع زخرف ليك

فيها يزيد شقاك
مهما عشتي وحيد و معاك شريك

لا دايم فيها هواك
بعد الوصل الفراق لازٌم يجيك

بعد شدّة معاك
تضيڨ عليك في الواسعة تروّيك

خلٌيك من لي كواك
خسارة تزٌيد عليه دعاويك

الخصم يجٍيب عراك
سلاح الضعيف يخلف الشبييك

الهدرة في ڨفاك
تكثر و عند الوجه يمدح فيك

يا ڨلب نا بركاك ✋
يزٌي راك كثّر تلها واشبيك ؟؟

مانيش جاي ڨداك ؟
مانيش طالب البلا تانهجيك ؟

ڨوال نا ملّاك
طالڨ لساني علي الحق نهديك

بحري ڨعد وراك
كان تدخل فيه تعوم يغدٌيك

كيفاش تلڨى فكاك ؟؟
حاولو قبلك صبحو الله يعافيك

الحياة مع لولاك
الدنيا قفزة لازّم فيها التكتيك

عود صٌلي أنساك
قوم الليل المولى يفرح بيك

يكثر مال زكاك
تزيد بركة الرزق يلاڨيك

محمد كلامو جاك
مازال عندو الڨول ما يكّفيك

عاطيه من مولاك
سبحان ربي خالقي ينّجٍيك

محمد رحال

استماع إلى المقال
1.00x