إنسان

انسان
………..
عاقل ؟..مجنون ؟
مش عارف!
مع إنك شايف
كل الاحلام بتموت جوّاك
رغم إنك خايف
م النور حواليك
فتعافر
وتخانق كل طاقات الضي
وتغمّي عنيك
مجنون..؟
بترص هموم وبتبني سدود
وبترسم كل آيات الفرح
على حيط مهدوم
وبريشة سواد
فتعيش محروم
من همس حبيب
تقتله وتموت
عاقل ؟!..
بتجامل روح؟
بتداوي جروح عاشت ويّاك
كانت حبّاك
كات بوح مسكوت
بس بيرويك
تختار الموت ؟!
وبتمسك خيط من نوح هلكان
انسان ؟!..
مش عارف؟!
تعبان ..قلقان ؟!!
طب جرب يوم
ف مراية الروح..هتشوف انسان
من غير دخان لسيجارة وكاس
مش روح لملاك
ولا روح لشيطان
انسان من لحم ودم
جواه.. الروح بتعيش
…………………….
محمد البنا…القاهرة في ١٤ نوفمبر ٢٠٢٠