بتتباهى
وأدي الأحقاد بتتباهى
بتاخد كل حاجة معاها
بتزرع في الضلوع أوجاع
بتنشر ألم وخداع…….
عشان نعشق كل شئ فاضح
وننسي حلمنا الواضح
ونقفل للضياء الشيش
ونرفض إنه حتى يعيش
***
مابين اليوم وبين بكرة
مافيش فاصل
لا قولنا للهزايم لئة
ولا حتى رافضنا فعلها الحاصل
بنهرب من حصار لحصار
بيسكن في مدنا العار
***
فوق الشفايف
أنتحر كل الكلام
والمطر مش راضي
ينزل م الغيام
والضلمة ما بتطرحشي نور
وربيعنا خالى من الزهور
والأفاعي للأسف عمالة
تخرج م الجحور
عصام سامي ناجي
